Hvernig á að undirbúa útivegg fyrir málun
Réttur undirbúningur er lykillinn að því að málningin endist. Markmiðið er ekki að fjarlægja alla málningu af veggnum heldur að losa við lausa og flagnaða málningu, óhreinindi og finna svæði sem þarf að laga áður en málað er.
Hér eru leiðbeiningar sem þú getur fylgt til að gera þetta sjálf/ur á öruggan og árangursríkan hátt.
Það sem þú þarft:
Háþrýstidæla sem er meira en 4000 psi (300bar)
Snúningsstút (turbo nozzle)
Skref 1: Tæmdu svæðið
Færðu allt í burtu að minnsta kosti 3 metra frá veggnum (5 metra ef mögulegt er).
Þetta gefur þér vinnupláss og ver hlutina fyrir úðaslettum.
Skref 2: Öryggi fyrst
Aldrei nota stiga með kröftugri háþrýstidælu — þrýstingurinn getur ýtt þér úr jafnvægi og valdið slysum.
Notaðu vinnupall fyrir háa veggi svo þú getir unnið örugglega og í réttri fjarlægð.
Skref 3: Veldu réttan búnað
Háþrýstidæla: Að lágmarki 4.000 PSI eða 300 BAR.
Stútur: Snúningsstútur (turbo nozzle) til að ná vel af málningu og óhreinindum.
Skref 4: “Grafa aðferðin”
Byrjaðu á að háþrýstiþvo vegginn létt til að fjarlægja yfirborðssaur og finna út hvar málning byrjar að flagna.
Um leið og þú sérð málningu byrja að lyftast, færðu þig nær þeim stað til að fjarlægja alla lausa málningu þar.
Markmiðið er ekki að fjarlægja alla málningu, heldur aðeins þar sem hún er farin að losna eða skemmast.
Haltu áfram yfir allan vegginn, “grafðu” í vandasvæðin en farðu létt yfir þar sem engin flögnun er.
Af hverju þetta skref skiptir máli:
Þú vilt mála á traustu og vel festu yfirborði — ekki á málningu sem er þegar byrjuð að flagna.
Ef þú málar yfir slíka málningu heldur hún áfram að flagna undir nýju laginu og nýja lagið losnar líka.
Ef þú sleppir þessu getur þú þurft að endurtaka verkið eftir sex mánuði. Með því að gera þetta rétt endist málningin mun lengur.
Skref 5: Skoðaðu og gerðu við sprungur
Skoðaðu vegginn vandlega eftir hreinsun til að finna sprungur.
Smáar, yfirborðssprungur: Fylltu með hentugu viðgerðar- eða fylliefni fyrir útiveggi og sléttaðu yfirborðið.
Stórar eða djúpar sprungur: Geta bent til burðar- eða byggingargalla. Ef þú hefur færni geturðu lagað þær sjálfur, en ef þú ert ekki viss, fáðu fagmann.
Alvarlegar sprungur verða að vera lagaðar rétt til að koma í veg fyrir vatnsskemmdir, veikingu í vegg eða dýrar viðgerðir síðar.
Skref 6: Mála
Þegar veggurinn er hreinn og viðgerðir kláraðar:
Berðu á valda útimálningu samkvæmt leiðbeiningum framleiðanda.
Láttu þorna að fullu áður en veggurinn verður fyrir rigningu eða miklum raka.