Það sem þú þarft:

• Háþrýstidælu

• Hreinsiefni til að fjarlægja mosa og óhreinindi

• Efni sem ver steinana og kemur í veg fyrir að mosinn komi aftur

• Fúgusand til að fylla í milli hellna

• Blásara eða sóp

• Snúningsstút (turbo nozzle) og 45° eða 25° á háþrýstiþvottavélina

• (valfrjálst) Joint stabilizing sealer til að læsa sandinum og vernda hellurnar

Skref 1: Fjarlægja laust rusl

Byrjaðu á að fjarlægja lauf, greinar og laust drasl af svæðinu. Notaðu blásara til að flýta fyrir eða sóp ef þú vilt. Að losna við stærra rusl gerir háþrýstiþvottinn auðveldari og betri.

Skref 2: Berðu á mosahreinsilausn

Berðu hreinsilausn yfir allt svæðið. Hún losar mosann, gróðurinn og óhreinindin þannig að þau verði auðveldari að fjarlægja.
Af hverju þetta skref skiptir máli:

• Þú getur notað minni þrýsting og þannig varið eldri eða viðkvæmari hellur

• Hjálpar til við að tryggja að allur mosi og gróður fjarlægist

Skref 3: Fyrsti háþrýstiþvottur (snúningsstútur – turbo nozzle)

Settu snúningsstút á háþrýstidæluna og hreinsaðu allt svæðið.

• Byrjaðu efst og farðu niður þannig að vatn og óhreinindi flæði í burtu

• Farðu jafnt yfir allt svæðið og tryggðu að hver einasti blettur sé hreinsaður

Skref 4: Annar háþrýstiþvottur (flatur stútur)

Skiptu yfir í flatan stút 45° eða 25° stút.

• Farðu aftur yfir svæðið til að fjarlægja smáagnir sem eftir eru

• Ýttu óhreinindunum að minnsta kosti 1 metra frá svæðinu svo þau renni ekki aftur á það

Skref 5: Henda úrgangi

Safnaðu saman mosan og óhreinindin sem þú varst að hreinsa af hellunum og fargaðu því.

Skref 6: Berðu á verndarefni

Þegar svæðið er orðið alveg hreint og þurrt, berðu á verndarefnið. Það sest ofan á hellunar sem hægir á mosavexti og heldur svæðinu snyrtilegu lengur.

Skref 7: Dreifa fúgusandi

Þegar verndarefnið er þornað, dreifðu fúgusandi jafnt yfir svæðið. Notaðu sóp til að ýta sandinum ofan í allar sprungur milli hellna. Þetta hjálpar til við að koma í veg fyrir að illgresi vaxi aftur á milli þeira og heldur þeim föstum.

Skref 8 (valfrjálst): Joint Stabilizing Sealer – Festir sand og verndar hellur

Ef þú vilt fara skrefinu lengra til að halda svæðinu hreinu og fallegu lengur, getur þú borið á joint stabilizing sealer. Þetta er ekki nauðsynlegt, en það gefur aukna vernd og heldur fúgusandinum stöðugum.

Hvað þetta gerir:

• Myndar þunnt, gegnsætt varnarlag yfir hellunum

• Læsir fúgusandinum á sínum stað þannig að hann fjúki ekki burt eða skolast í burtu

• Hjálpar til við að koma í veg fyrir að mosi og illgresi nái sér á strik aftur

Hvernig á að bera á:

1. Þegar sandinum hefur verið dreift í allar sprungur, farðu yfir svæðið með mjúkum sóp og fjarlægðu allar lausasandagnir af yfirborðinu.

2. Berðu sealerinn á með úðatæki eða málningarúllu, þannig að hann þekji jafnt yfir allt svæðið.

3. Leyfðu efninu að þorna í 24 klukkustundir án þess að gengið sé á svæðið eða að það verði fyrir rigningu.